Olga Tomat

Olga Tomat

Želim da se među svim ovim divnim ženama nađe i moja učiteljica Olga Tomat.

Jedna generacija prvaka, njena poslednja pred penziju, te 1974.godine u Osnovnoj školi “Njegoš” u Kotoru imala je tu sreću, a reći ću i čast, da im učiteljica bude Olga Tomat.

Stroga, a opet tako nježna kad je trebalo, autoritativna a tako lako dostupna svima u svakom trenutku. Učila nas je već u tom uzrastu radu, redu, disciplini, moralnim vrijednostima. Iako mali slušali smo je i prosto “upijali” sve njene priče.

Olga Tomat

Njoj nije bilo važno ko je ko, ko je čiji, ni ko je odakle. Mi smo njoj jednostavno bili svi isti, svi NJENA DJECA, kojima je tako malima znala kroz svekodnevno učenje prenijeti i prosto uliti vrlo važne stvari koje nam danas predstavaju prave životne vrijednosti.

Dalje kroz osnovnu i srednju školu, na fakultetu imala sam mnogo divnih profesora, prije svega dobrih ljudi, pravih pedagoga, ali nekako kad se sjetim svog odrastanja i školovanja najprije mi “izroni”  lik moje prve učiteljice Olge Tomat.

Sjećam je se uvjek sa velikim poštovanjem i ljubavlju.

 

Poslala: Vera Kapetanović